गाेविन्द रावत
जुम्ला : एमाले निकट नेपाल राष्ट्रिय शिक्षक संगठन जुम्लाको अध्यक्षमा भीमबहादुर थापा सर्वसम्मत रुपमा चयनहुनु भएको छ । शनिबार जुम्ला सदरमुकाम खलङ्गा बजारमा सम्पन्न नेपाल राष्ट्रिय शिक्षक संगठनको १३ औं जिल्ला अधिवेशनले थापाको नेतृत्वमा नयाँ कार्यसमिति पदाधिकारी चयन गरेको हो ।

संगठनको उपाध्यक्ष देवेन्द्र बहादुर शाही,महिला उपाध्यक्षमा  विष्णुमाया महत, सचिवमा कर्ण बहादुर शाही,सह–सचिव तारा राेकाया र कोषाध्यक्ष टेकबहादुर खत्री निर्वाचित भएको नवनिर्वाचित सचिव शाहीले जानकारी दिनुभयो ।

सो अधिवेशनले सदस्यमा नरेन्द्र राेकाया,सर्जुन राेकाया,धर्मकृष्ण उपाध्याय,हरिबहादुर रावत र भक्त बुढा गरि १३ सदस्यीय जिल्ला कार्यसमिति गठन भएको नवनिर्वाचित सचिव शाहीले जानकारी दिनुभयो । शिक्षकको पेशागत हकहितका लागि संगठनले सधैं आवाज उठाउने नवनिर्वाचित अध्यक्ष थापाको भनाइ छ। अधिवेशनले संगठनको केन्द्रिय प्रतिनिधिका रुपमा जाजल्यराज न्याैपाने र मानबहादुर राेकायालाई चयन गरेको छ।