जुम्ला । अमृत स्मृति यूवा क्लब जुम्लाद्वारा आयोजित दोस्रो अमृत स्मृती फूटबल प्रतियोगिताको उपाधी जुम्ला फुटबल क्बलले उचालेकाे छ । जुम्ला फुटबल क्लबका खेलाडीले लगातार ० का विरुद्ध ३ गोल गरेपछि उपाधी जितेको लेकाली यूवा क्लबका अध्यक्ष सन्तोष खत्रीले जानकारी दिनुभयो । विहीबार भएको फाईनल खेलमा दोभान शान्ति यूवा क्बल र जुम्ला फुटबल क्बलबीच भएको थियो । जुम्ला फुटबल क्लबका खेलाडी धर्मेन्द्र कुँवरले लगातार २ गोल गरे । भने क्याप्टेन शुनिल थापा मगरले १ गोल गरेका थियोे ।फुटबल प्रतियोगिताका विजेता जुम्ला फुटबल क्बलले नगद एक लाख २ हजार २०२ रुपैया ट्रफी,मेडल प्रमाणपत्र प्राप्त गरेको छ । भने उपविजेता दोभान शान्ति यूवा क्लबले नगद ५१ ह्जार एक सय ११ रुपैया,ट्रफी,मेडल प्रमाणपत्र प्राप्त गरेकाे लेकाली यूवा क्लबका अध्यक्ष खत्रीले बताउनुभयो । खेल क्षेत्रको प्रर्वद्दन र यूवालाई खेलप्रति प्रेरित गर्न फुटबल खेलकाे महत्त्वपूर्ण भुमिका रहने चन्दननाथ नगरपालिका नगर प्रमुख राजुसिंह कठायतकाे भनाइ छ। साे प्रतियोगितामा जम्मा २२ वटा फुटबल टिम सहभागी भएकाे आयाेजकले जनाए छ।